Заправка шартлау нәтиҗәсендә кешеләр һәлак булган

Махачкала шәһәре янындагы заправкада шартлау вакытында һәлак булучылар саны 12 кешегә кадәр җиткән, дип хәбәр иттеләр Гадәттән тыш хәлләр министрлыгының төбәк баш идарәсендә.

27нче сентябрь кич Махачкалада көчле шартлау яңгырый. Ут яшен тизлеге белән ярты мең квадрат мәйданда заправканы колачлый. Һәлакәт урынына коткаручылар һәм янгын сүндерүчеләр килә, оперштаб җәелдерелә. 21 кеше зыян күргән. Урында оператив хезмәтләр эшли. Фаҗига шартлары билгеләнә.