Яшел Үзән өлкәннәре шахмат һәм шашка турнирында беренче

Бу этапта җиңү өчен биш команда - Лаеш, Яшел Үзән, Биектау, Югары Ослан һәм Питрәч көч сынашты.

Безнең команда ышанычлы рәвештә беренче урынны яулады һәм пенсионерлар арасында республика турниры финалына юллама алды.

Икенче урында - Питрәч, бронза призерлары - Биектау.

Шахмат һәм шашка буенча шәхси зачетта беренче урыннар шулай ук яшел үзәнлеләргә бирелде.

Бәлки финалда безнең командада Госман Төхвәтуллинны алыштырырлар, чөнки шахмат рейтингы бик югары һәм аны профессионал буларак кабул итәләр.

- Яшел Үзәндә шахматның яхшы дәрәҗәдә булуына мин бик шат, - дип шәрехләде спорт мастерлыгына кандидат Госман Төхвәтуллин. - Кызганычка каршы, финалда уйный алмыйм, әмма яхшы алмаш табарлар дип өметләнәм.

- Пенсионерлар арасында шахмат һәм шашка буенча традицион республика турниры Татарстанда 2011 елдан башлап үткәрелә һәм, әлбәттә, безнең ветераннарның күп тапкырлар җиңү яулавы күңелле, - ди Россия Пенсионерлар берлегенең җирле бүлекчәсе рәисе, Татарстан Республикасы буенча РПФның Яшел Үзән районындагы бүлеге эксперт хезмәте белгече Резедә Гыймадиева.

- Турнирның максаты - өлкән яшьтәге кешеләр арасында шахмат һәм шашкаларны пропагандалау һәм популярлаштыру, аларны физик культура һәм спорт белән шөгыльләнүгә җәлеп итү.