Тугызы сынау срогын уза алмаган

Яшел Үзән районы территориясендә 20-24мартта «Шартлы рәвештә хөкем ителүче» операциясе узды, ул рецидив һәм көнкүреш җинаятьчелеге буенча хәлне тотрыкландыру максатыннан үткәрелде.

Чара барышында, җинаять-башкарма инспекциясе хезмәткәрләре участок полиция вәкилләре белән берлектә, исәптә торучы 430дан артык кешене тикшерде. Шартлы рәвештә хөкем ителгәннәр белән әңгәмәләр уздырылды, 9 материал судка җибәрелде, анда сынау срогын озайту һәм теге яки бу хокук бозуларга юл куйган кешеләргә өстәмә бурычлар йөкләү мәсьәләсе хәл ителәчәк.

Мондый чараларның төп бурычы – хөкем ителгәннәр тарафыннан кабат җинаятьләр кылынуны һәм административ хокук бозуларны булдырмау.