Татарстаннан чакырылып, чакырылыш буенча хәрби хезмәт үтүче теләсә кайсы хәрбие үзенең хәрби частендә контракт төзи һәм 2,9 млн сумга кадәр түләүләр ала ала. Бу хакта «Татар-информ»га Казанда контракт буенча хәрби хезмәткә сайлап алу пункты офицеры Егор Горячев хәбәр иткән.
«Әгәр Татарстаннан чакырылган хәрби чакырылыш буенча хезмәт итү өчен хәрби частька киткән икән, ул шунда контракт төзи һәм барлык ташламаларны һәм түләүләрне ала ала. Аның хезмәте бернинди үзгәреш кичермәячәк, бары тик чакырылыш буенча хәрби хезмәткәр урынына контракт буенча хәрби хезмәткәр булачак. Хезмәт срогы тәмамлангач, ул шулай ук хәрби билет алачак», – дип аңлаткан Егор Горячев.
Исегезгә төшерәбез, Татарстанда Россия Федерациясе Оборона министрлыгы белән контракт төзергә теләүче гражданнарга бирелә торган түләү күләме 2,9 млн сумга кадәр арттырылды. Бу – Россиядәге иң югары түләүләрнең берсе һәм Идел буе федераль округында иң югары күрсәткеч.
Моннан тыш, нәкъ Татарстанда бүгенге көнгә махсус хәрби операциядә катнашучыларга һәм аларның гаиләләренә ярдәм күрсәтүгә юнәлдерелгән 3 меңнән артык муниципаль акт кабул ителгән.
Чакырылыш буенча хезмәт итүче һәм аны контракт буенча хезмәткә алыштырырга теләүче хәрби үзенең хәрби часте командованиесенә турыдан-туры мөрәҗәгать итә ала.
Әлегә чакырылыш буенча хезмәт итү урынына китмәгән, әмма контракт буенча хезмәт итәргә теләүче гражданнар сайлап алу пунктына, теләсә кайсы хәрби комиссариатка яки «Батыр» үзәгенә мөрәҗәгать итә ала.
Татарстан Республикасында Россия Федерациясе Оборона министрлыгы белән контракт төзү турында тулырак мәгълүматны 8 800 222 59 00 телефоны аша яки 117 номерлы төбәкара кол-үзәккә шалтыратып алырга мөмкин.
Автор: Дмитрий Шатров
«Татар-информ»
Нет комментариев