Татарстанда 2026 ел башыннан энтеровирус инфекциясен йоктыруның 177 очрагы теркәлгән. Бу узган елның шул ук чоры белән чагыштырганда 11,5%ка кимрәк. Бу хакта республика Роспотребнадзоры хәбәр итә.
Фото: Чулпан Гыйсмәтуллина, "ЯҮ"
Авыручыларның күбесе (96%) — балалар. Балалар коллективларында инфекциянең күпләп таралу очраклары теркәлмәгән. Инфекция таралуны чикләү максатыннан Роспотребнадзор эпидемиягә каршы чаралар үткәрә: чикләүләр кертелә, инфекция чыганакларында медицина күзәтүе һәм дезинфекция үткәрү турында күрсәтмәләр бирелә. Бассейннарга, аквапаркларга һәм уен бүлмәләренә 557 күрсәтмә җибәрелгән. Инфекция су аша (коенганда), көнкүреш-контакт юлы белән (пычрак куллар һәм уенчыклар аша), шулай ук һава-тамчы юлы белән тарала. Авыруны кисәтү өчен кулларны ешрак юарга, шешәдәге яки кайнатылган су эчәргә, бары тик рәсми пляжларда гына коенырга, яшелчә һәм җиләк-җимешләрне яхшылап юарга, авыру кешеләр белән аралашудан сакланырга киңәш ителә.
Казан КП
Нет комментариев