Татарстанда «Бердәм Россия» праймеризында 12.00 сәгатькә 262 мең кеше тавыш бирде

Бу хакта Казанда узган праймеризның Ситуацион Үзәгендә ТР Дәүләт Советы Рәисе урынбасары, парламентта «Бердәм Россия» фракциясе җитәкчесе Юрий Камалтынов хәбәр итте.

«Хәзерге вакытта 262 мең сайлаучы тавыш бирде инде. Минемчә, бу бик яхшы күрсәткеч. Без хәтта 2016 елгы алдан тавыш бирү саннары буенча бераз алда барабыз. Кичке сигезгә кадәр барысы да шул вакыттагы кебек тыныч узар дип өметләнәбез», — диде Камалтынов.

12 сәгатькә исәп участокларында 162 мең һәм 100 034 кеше онлайн-форматта тавыш бирде.

Бүген Татарстанда сигезенче чакырылыш Дәүләт Думасына депутатлар сайлау алдыннан «Бердәм Россия» партиясенең турыдан-туры алдан тавыш бирү уза. Республикада 557 хисап участогы ачылды.