Танылган актер вафат

63нче яшендә танылган Мәскәү театр һәм кино актеры, РФ атказанган артисты Роман Мадянов вафат булды. Бу хакта SHOT телеграм-каналы хәбәр итә. 

Быелның мартында артистта онкология авыруы – үпкә яман шеше табалар. Актер яман шешкә каршы дәвалау курсы уза.

Мадянов «Левиафан» фильмы, «Домашний арест», «Солдаты», «Участок» сериалларындагы рольләре буенча билгеле. Мадянов шулай ук икенче пландагы иң яхшы ир-ат роле өчен дүрт тапкыр «Ника» премиясе һәм иң яхшы ирләр роле өчен ике тапкыр «Алтын бөркет» премиясе лауреаты булып тора.