Ренат Мистаховның Халыкара хатын-кызлар көне белән котлавы

Бу якты язгы бәйрәм күңелегезне сезгә – кешелекнең иң гүзәл яртысына карата булган мәхәббәт һәм рәхмәт хисләре белән җылытачак! Табигать сезгә уникаль сыйфатлар биргән, сез үзегездә наз һәм зирәклекне, рух ныклыгын һәм сабырлыкны, көндәлек мәшәкатьләрне һәм сөйкемлелекне берләштерә аласыз. Үзегезнең нәни җилкәләрегездә тормышны тотып тора алуыгыз белән дә көчле сез.

Хәзерге тормышның киеренке ритмында, төрле һөнәрләрдә үзегезнең кирәклегегезне һәм уңышыгызны күптән исбатлап, карьера ясарга һәм балалар тәрбияләргә, иҗтимагый эш белән шөгыльләнергә һәм өй мәшәкатьләрен алып барырга өлгерәсез. Безне – ир­атларны иҗатка рухландырасыз, авыр минутларда ярдәм итәсез, ышаныч уятасыз, бу дөньяны якты, уңайлы һәм шатлыклы итәсез. Сез безне алга барырга һәм камилләшергә рухландырасыз. 

Сезнең хакка, бәхетегез һәм мәхәббәтегез хакына бөек гамәлләр һәм көндәлек эшләр башкарыла. Хатыннарыбыз, әниләребез, әбиләребез, кызларыбыз, сеңелләребез һәм хезмәттәшләребез янәшәбездә булганда, теләсә нинди кыенлыкларны җиңел генә җиңеп була! Кадерлеләребез һәм сөеклеләребез, бетмәс­төкәнмәс игелегегез, юмарт йөрәгегез һәм күңел сизгерлегегез өчен рәхмәт сезгә! 

Сөекле ханымнар! Сезгә чын күңелдән бәхет, сәламәтлек, яшьлек һәм гүзәллек телибез! Өйләрегездә тынычлык, иминлек һәм үзара аңлашу хөкем сөрсен, ә сезнең янда һәрвакыт кайгыртучан һәм яраткан кешеләрегез булсын! Хыялларыгыз тормышка ашсын, күңелегездә яз хөкем сөрсен!

РЕНАТ МИСТАХОВ, «Ак Барс» Суднолар төзү Корпорациясе» АҖ генераль директоры

Реклама хокукында