«Рәхәт» үзәге хезмәткәрләре 18нче лицей укучыларына, психик сәламәтлек көне уңаеннан, кызыклы чара оештырды

ТР Хезмәт, халыкны эш белән тәэмин итү һәм социаль яклау министрлыгының Зеленодольск муниципаль районында «Рәхәт» халыкка комплекслы социаль хезмәт күрсәтү үзәге хезмәткәрләре Яшел Үзәннең 18нче лицей укучыларына мәгълүмати танып-белү әңгәмәсе үткәрде.

Бөтендөнья психик сәламәтлек көне 1992 елдан Бөтендөнья психик сәламәтлек федерациясе инициативасы белән дөньяда психик сәламәтлекне ныгыту проблемаларына һәм психик тайпылышларны профилактикалау һәм дәвалау ысулларына карата халыкның хәбәрдарлыгын арттыру максатыннан билгеләп үтелә. Психик сәламәтлек кеше тормышының аерылгысыз өлеше һәм сәламәтлекнең мөһим компоненты булып тора. Ул һәр кеше үз мөмкинлекләрен һәм үз потенциалын тормышка ашыра, тормыш стрессларына каршы тора, нәтиҗәле эшли һәм җәмгыятькә өлеш кертә ала торган иминлек халәте буларак билгеләнә.