Нәрсә ул электрон сертификат һәм кем аны рәсмиләштерә ала?

Бу максатларга Социаль фондның Татарстан бүлеге 62 миллион сумнан артык акча юнәлткән.

«Электрон сертификат – ул гражданнарга тернәкләндерү һәм абилитация программасында (ИПРА) тәкъдим ителгән реабилитацияләү яки протез-ортопедия әйберләрен сатып алырга мөмкинлек бирә торган түләү инструменты. Сертификат банк картасы тәртибендә эшли: товар өчен гади сәүдә нокталарында да, онлайн-кибетләрдә тиз арада бернинди тоткарлыксыз түләп була», – дип аңлатты Татарстан Социаль фонд бүлеге идарәчесе Эдуард Вафин.

Бүген сертификатлар ярдәмендә, заказга эшләнгән шәхси эшләнмәләрне дә кертеп, 300дән артык төрле тернәкләндерү чарасы сатып алырга мөмкин.

Сертификатны инвалидлыгы булган кешеләр, производствода зыян күргән яки һөнәри авыру алган гражданнар рәсмиләштерә ала. Сертификатта аның гамәлдә булу вакыты, тернәкләндерү эшләнмәләренең төрләре һәм саны турында мәгълүмат бар, шулай ук кеше өстәмә акча сарыф итмичә генә түләргә тиешле максималь бәясе күрсәтелгән.

Электрон сертификатның тагын бер уңайлылыгы: гражданнар аны рәсмиләштерүгә гаризаны өйдән чыкмыйча гына Дәүләт хезмәтләре порталы аша бирә ала. Социаль фонд сайты каталогында мөстәкыйль рәвештә кирәкле техник тернәкләндерү чарасын сайларга, аның бәясен белергә, электрон сертификатларны түләүгә кабул итүче кибетләрнең җитештерүчесен һәм адресларын ачыкларга мөмкин.

Дәүләт хезмәтләре порталыннан тыш электрон сертификатны рәсмиләштерүгә гаризаны Социаль фонд бүлекләренең һәм күпфункцияле үзәкләрнең клиент хезмәтләрендә бирергә мөмкин. Иң мөһиме: сертификат алу өчен «Мир» түләү системасының банк картасы булырга тиеш. Гариза биш эш көне эчендә карала, ә кабул ителгән карар турындагы хәбәрнамә мөрәҗәгать итүчегә өч эш көне эчендә җибәрелә.

Консультация алу өчен гражданнар 8-800-1-00000-1 телефоны буенча (бушлай, дүш. – пәнҗ.: 08:00-17:00, җомга.: 08:00-15:45) бердәм контакт-үзәккә мөрәҗәгать итә ала.

Өстәмә мәгълүмат Социаль фондның рәсми социаль челтәрләрендә һәм мессенджерында да урнаштырылган:
ВКонтакте
Одноклассники
Telegram