Михаил Афанасьев Яшел Үзән районында уртача хезмәт хакы турында сөйләде

Агымдагы елда аның үсеше 8,6% тәшкил иткән. Бу хакта муниципалитет башлыгы Михаил Афанасьев хәбәр итте.

Яшел Үзән мэры ассызыклаганча, 1 ноябрьгә муниципалитетта эшсезлек дәрәҗәсе пандемиягә кадәрге чорга әйләнеп кайткан һәм 0,7% тәшкил итә. 558 кеше эш эзли. Шул ук вакытта вакансияләр банкында 2670 тәкъдим урнаштырылган, ягъни бер эшсезгә биш эш урыны туры килә.

«Агымдагы елның сигез аенда табышлы предприятиеләр өлеше 67,6% тәшкил итә, зыян күрүчеләр - 32,4%», - диде Афанасьев.