«Кыш бабайдан бүләк»
Яңа ел бәйрәмнәре алдыннан «Бердәм Россия» партиясенең Яшел Үзән җирле бүлеге, Бердәм Россиянең «Яшь гвардиячеләр» җирле бүлеге активистлары Яшел Үзән районы Башкарма комитетының мәдәният идарәсе белән берлектә Яңа ел алдыннан «Кыш бабайдан бүләк» дигән традицион акция үткәрде.
Аның кысаларында аз керемле гаиләләрдән булган балаларга татлы бүләкләр тапшырдылар, балалар хастаханәсенә бардылар, шулай ук, Яңа Ел бәйрәмнәрендә стационар дәвалауда калачак балаларны котладылар һәм бүләкләр тапшырдылар.
Бәйрәм, кызганычка каршы, яңа ел чыршысына үзләре килә алмаган балалар янына үзе килде. Волонтерлар әйтүенчә, бу акция балаларга яхшылык кына китереп калмый, ә катнашучыларның үзләрен рухи яктан баета. Ә яннарына Кыш бабай белән Кар кызы килгән балаларның шатлыгы турында чиксез сөйләп була, чөнки аларны бит ел буе көткәннәр.
Шулай ук активистлар «Ышаныч» («Доверие») реабилитация үзәгендә мөмкинлекләре чикле балалар өчен оештырылган яңа ел чарасында булды. Яңа ел тылсымы балаларга искиткеч эмоцияләр, кәеф, чиксез шатлык һәм шәп үткән вакыт турында күңелле хатирәләр бүләк итте. Һәр бала Кыш Бабайдан татлы бүләк алды.
Следите за самым важным и интересным в Telegram-каналеТатмедиа
Нет комментариев