Боларның барысы да безнең тормышны җиңеләйтү өчен эшләнә
Белеп торыгыз!
Коронавирус инфекциясе пандемиясенә бәйле рәвештә, балалы гаиләләргә матди ярдәм күрсәтеләчәк. Акчаны 1 июньнән түли башлыйлар.
Аерым алганда, илнең мохтаҗ гражданнары өчен пособие каралган. Бу 3 яшьтән 7 яшькә кадәрге балалар тәрбияләнеп, кереме бер кешегә аена яшәү минимумыннан артмаган гаиләләр өчен. Аларга айлык түләү күләме 5,5 мең сум тәшкил итәчәк. Моннан тыш, 3 яшьтән 16 яшькә кадәрге балалары булган барлык гаиләләр бер тапкыр түләү алачак. Шул ук вакытта, ата-аналарның керем дәрәҗәсе әһәмияткә ия түгел. Пособиенең күләме һәр балага 10 мең сум тәшкил итә. Аны алу өчен ата-аналарга гариза бирергә генә кирәк. Акча 1 июньнән гаилә исәп-хисапларына керә башлады инде.
Розалия Ибраһимова фотосы.
Нет комментариев