IKEA Җиһаз кибетләре челтәре Россиядә эшчәнлеген тулысынча туктатырга булган
Компания Россиядә хезмәткәрләрен кыскартачак, ә заводлар һәм җитештерүне башка хуҗага сатачак.
Бу хакта хезмәткәрләргә чәршәмбе көнне гомуми җыелышта хәбәр иттеләр. Якын арада компания рәсми белдерү ясаячак.
Тиздән IKEA Россия складларында булган товарлар сатуны оештыра. Барлык хезмәткәрләр дә штатта 31 августка кадәр калачак һәм бу чорда оклад алуны дәвам итәчәк.
IKEA җитәкчелеге белдергәнчә, бу компания тарихында иң авыр карарларның берсе.
«IKEA Россиягә кайтырга тели, тик моның кайчан булачагы билгесез. Ким дигәндә, махсус операция тәмамлангач. Бөтен эш логистикада һәм санкцияләрдә. Логистик чылбырларны торгызгач, кире кайтырга мөмкин булачак» — дип хәбәр итте «Мәскәү сөйли» басмасына компания чыганагы.
ИKEAга караган МЕГА кибетләре үз эшләрен дәвам итәчәк.
Следите за самым важным и интересным в Telegram-каналеТатмедиа
Нет комментариев