Яшел Үзәндә чүп контейнерлары янган, машина ут эчендә калган: атна вакыйгалары

Фото: Рәзилә Хәйретдинова, «ЯҮ»

Шуларның 4есе ялган булган. 2 янгын очрагы теркәлгән.

Горький урамының 10нчы йортындагы мунчада электр үткәргеченең төзексезлеге аркасында йомшак кәнәфигә ут капкан. Янгын нәтиҗәсендә 1 квадрат метр мәйданга зыян килгән. Урынга килгән янгын сүндерүчеләр утны тиз арада сүндергән, зыян күрүчеләр турында мәгълүмат юк.

Гоголь урамының 56нчы йорты янындагы чүп-чар контейнерларына да ут капкан. Янгын турында хәбәр килеп ирешкәч, коткаручылар вакыйга урынына чыгып, ялкынны контрольгә алган. Белгечләр искәртүенчә, көнкүреш калдыкларын тиешсез урыннарда калдыру янгын чыгу куркынычын арттыра.

Коткаручылар Волжская урамында чыккан юл-транспорт һәлакәтенә барып, янган машинаны сүндергән. Аннан соң аларга үлүчеләрнең гәүдәләрен чыгару өчен автомобильнең түбәсен кисәргә туры килгән. Юлларда сак булырга, тизлек режимын үтәргә һәм кагыйдәләрне бозмаска кирәклеген белгечләр тагын бер кат искәртә.

Янгыннарны кисәтү өчен көнкүрештә ут белән сак эш итәргә, электр җиһазларын караучысыз калдырмаска кирәк. Электр үткәргечләренең төзеклеген даими тикшерү, артык күп приборларны бер розеткага тоташтырмау мөһим.

Балаларга шырпы, ут кабызгыч һәм башка янгын чыганаклары белән уйнарга ярамаганын аңлату зарур. Өйдә янгын чыккан очракта, кичекмәстән 101 яки 112 номерларына хәбәр итәргә һәм куркыныч урыннан чыгарга кирәк.

Янгын куркынычсызлыгы кагыйдәләрен үтәү — үз гомереңне һәм якыннарыңның иминлеген саклауның иң мөһим шартларының берсе!