Яшел Үзәндә 31 яшьлек хатын-кыз тормыш иптәшен үтергән

Шуларның 24е – шәһәрдә, 7се районда булган. 3 янгын очрагы теркәлгән, шуның кадәресе – «кайнар эздән». 1 үтерү, 1 көчләү, 13 урлау, 15 мошенниклык, наркотикларның законсыз әйләнеше буенча 1 очрак теркәлгән.

Осиновода спиртлы эчемлек кулланганнан соң ызгыш чыгып, 31 яшьлек хатын-кыз иренә пычак кадаган. Ир шул урында ук алган җәрәхәтеннән җан-тәслим кылган.

Ореховка авылының Университетская урамындагы йорттан – рубин кашлы көмеш алка, йорт ишегалдыннан «Мини Купер Кантимер» маркасындагы автомашина урланган. Икенче көнне машина Залесный бистәсенең Гаврил Державин урамында табылган.

Билгесез затлар телефон элемтәсенә хезмәт күрсәтү турындагы килешүне озайту тәкъдиме белән 75 яшьлек пенсионерны алдаган. Нәтиҗәдә, ир К.Маркс урамында йорты янына килгән курьерга 640 мең сум акчасын үзе чыгарып биргән.

Фото: Рәзилә Хәйретдинова, «ЯҮ»