Яшел Үзән укытучысы «Фидакарь хезмәт өчен» медаленә ия булды

Татьяна Дуньшаковага югары бүләкне Казанда узган Укытучылар көненә багышланган тантаналы чарада Татарстан Республикасы Рәисе Рөстәм Миңнеханов тапшырды. 

– Сезнең һөнәрегез – игелек, фидакарьлек һәм гаять зур рухи юмартлык таләп итә торган чын бурыч. Нәкъ менә сез балаларга үз-үзләренә ышанырга һәм тормышта үз юлларын табарга ярдәм итәсез, һәр кешенең киләчәге төзелә торган белем һәм әхлакый кыйммәтләрнең ныклы нигезен саласыз, – дип белдерде Рөстәм Миңнеханов.

Татьяна Николаевна – рус теле һәм әдәбияты укытучысы. Ул 46 елдан артык гомерен мәктәпкә багышлаган. Көн саен укучыларда укуга мәхәббәт тәрбияләгән һәм белем бирүне үстерүгә бәяләп бетергесез өлеш керткән.

Котлыйбыз!

ЯҮМР матбугат хезмәте