Ярлыка

Йә, Аллаһым, җитеп килә
Каршыңа барыр чакларым.
Ни җаваплар бирермен соң,
Күптер лә гөнаһларым...

Син бөек зат, Син рәхимле,
Шәфкатьле, мәрхәмәтле.
Кичер минем белеп-белми
Кылган ул гөнаһларны.

Уйламый кылган гамәлләрне,
Тыңламый әбием әйткәннәрне,
Ятламый әбием өйрәткәнне.
Ярлыка Син, гомеремнең
Ваемсыз үткәннәрен.

Эх, кайтарып булса икән
Шул узган көннәремне...
Өйрәнер идем догалар,
Жәлләми төннәремне!
 

Луиза Зыятдинова.
Яшел Үзән