Гадәттән тыш хәлләр министрлыгында Татарстандагы һава торышының нинди зыян салуы турында сөйләделәр
Кичә Россия гадәттән тыш хәлләр министрлыгының ТР буенча Баш идарәсенә Казан, Алабуга, Бөгелмә, Минзәлә, Нурлат һәм Аксубай районнарында сигез агачның авуы турында хәбәр килде, дип хәбәр итә ведомствоның матбугат хезмәтендә.
Моннан тыш, Алабугада җиңел автомобиль зыян күргән. Ә Әлмәттә медицина көллияте уку корпусы бинасының түбәсендә 100 квадрат метр мәйдандагы профнастилның бер өлеше купкан.
Әлеге вакыйга урынына колледж директоры, Әлмәт муниципаль районы башкарма комитеты җитәкчесе һәм шәһәр башкарма комитеты җитәкчесе, торак-коммуналь хуҗалык хезмәткәрләре килде. Колледж территориясеннән һәм янәшәдәге күп фатирлы йорттан кубарылган түбәләрне сүтү һәм җыештыру эшләре алып барыла. РСЧСның түбәсе кубу нәтиҗәләрен бетерүгә барлыгы 28 кеше һәм 7 берәмлек техника җәлеп ителгән.
Исегезгә төшерәбез, кичә Татарстанда көчле җил һәм яңгырлар аркасында давыл турында кисәтү игълан ителгән иде.
Следите за самым важным и интересным в Telegram-каналеТатмедиа
Нет комментариев