Чебеннән фил ясаучыларны аңламыйм

Хәзер балалар бакчасында, мәктәптә берәр конфликт чыкса, тизрәк социаль челтәрләргә язып, тавыш куптарырга торалар. Чебеннән фил ясауның аянычлы нәтиҗәсе турында уйлап та карамыйлар.

 Мин әйтәм, безнең заманда укытучылар указка белән башка да менеп төшә иде, әти-әнигә кайтып зарлану турында уйламадык та. Классташлар белән бәргәләшеп алу, бигрәк тә малайлар арасында, еш булгалады. Шунда сугыштык, шунда дуслаштык, тавыш куптармадык. Хәзер, балалардан бигрәк, әти-әниләр яман. Читтән гаеп эзләгәнче, үз-үзебезне тотышыбыз һәм тәрбия турында уйлансак иде.