«Ак Барс» Суднолар төзү Корпорациясе» АҖ коллективының Халыклар бердәмлеге көне һәм Татарстан Республикасы Конституциясе көне белән котлавын кабул итегез

Кадерле ветераннар!

«Ак Барс» Суднолар төзү Корпорациясе» АҖ коллективы исеменнән Халыклар бердәмлеге көне һәм Татарстан Республикасы Конституциясе көне белән чын күңелдән котлаулар кабул итегез!

Бу бәйрәмнәрнең һәрберсе бердәмлек һәм гражданлык җаваплылыгы идеяләрен үз эченә ала. Без барыбыз да – төрле милләт һәм карашларыбыз буенча Россия гражданнары – уртак тарихы һәм уртак киләчәге булган бер халык. Без күп кенә территорияләр һәм мәдәниятләрдән торган уникаль мираслы илдә яшибез һәм безне кеше хокукларын һәм ирекләрен хөрмәт итеп, бер-беребез белән килешеп яшәргә эчкерсез омтылыш берләштерә.

Татарстан Республикасы тулы канлы тормыш белән яши, көчле инновацион сәнәгать төбәге буларак динамик рәвештә үсә. Татарстанлылар, шул исәптән яшел үзәнлеләр дә, гражданлык, теләктәшлек һәм толерантлык атмосферасын ныгыту, гасырлар буе безнең дус җиребездә яшәүче халыкларның мәдәни кыйммәтләренә хөрмәт күрсәтү өлкәсендә зур тәҗрибә туплады. Без барыбыз да Ватаныбызны ирекле һәм көчле дәүләт итеп күрергә омтылабыз. Һәр граждан илнең социаль-икътисади үсешенә үз өлешен кертә, тотрыклылык, иҗтимагый һәм милләтара татулыкны тәэмин итә. Бары тик бергәләп, көчләрне берләштереп, теләсә нинди кыенлыкларны җиңеп, куелган максатларга ирешеп, тормышны яхшы якка үзгәртергә мөмкин!

Кадерле дуслар! Бөек илебез һәм туган республикабыз өчен горурлык хисе безне һәрвакыт берләштерсен! Сезгә нык сәламәтлек, бәхет һәм иминлек, оптимизм һәм тормыш ныклыгы, тынычлык һәм игелек телибез!

Ренат Мистахов,
«Ак Барс» Суднолар төзү Корпорациясе»
АҖ генераль директоры