8 яшьлек кыз фаҗигале төстә һәлак булган

Лаеш районының Сокуры авылында нәни кыз квадроциклда йөргәндә һәлак булган. Йөртүчесе имгәнгән, ул хастаханәдә. Бу турыда Татарстан Дәүләт автоинспекциясенә сылтама белән «Татар-информ» хәбәр итте.

39 яшьлек ир-ат квадроциклда йөргәндә идарәсен югалта һәм әйләнеп каплана. Квадроциклда утыра торган 8 яшьлек кыз бала һәм йөртүче үзе егылып төшә, бала квадроцикл астында кала.  

Имгәнгән кыз урында ук үлә, йөртүчене хастаханәгә илтәләр. Тикшерү бара, диелә хәбәрдә.