16нчы мәктәптә «Тау ягы: тарих, мәдәният һәм рухи мирас» исемле IX төбәкара фәнни-гамәли конференция узды

- Быелгы конференциягә республикабызның Яшел Үзән, Югары Ослан, Тәтеш, Апас районнарыннан, шулай ук якын күршеләребез Мари, Чуваш республикаларыннан эшләр кабул ителде. Конференциягә тәкъдим ителгән һәрбер эш алдан ук төбәкне өйрәнүчеләр, тарихчы галимнәр тарафыннан тикшерү узган иде. Шуңа да конференциянең пленар өлешендә нигезләмә таләпләренә тулысынча җавап бирә торган эшләр генә тыңланылып, аларга төпле бәя бирелде. Конференция эшендә катнашучы барлык укучыларга, укытучыларга дипломнар, мактау кәгазьләре һәм истәлекле бүләкләр тапшырылды, – дип сөйли Яшел Үзән шәһәренең 16нчы мәктәп директоры Рөстәм Сәйфетдинов.