15 яшьлек яшүсмер хатын-кызны бәрдергән

Шуларның 36сында матди зыян китерелгән. Зарар күрүчеләр булган 4 юл-транспорт фаҗигасе теркәлгән. 11 машина йөртүче исерек килеш тотылган.

Бишнә авылының Үзәк урамында 15 яшьлек яшүсмер дәүләт номерсыз «Ява» мотоцик­лы белән 58 яшьлек хатын-кызны бәрдергән. Кабыргалары, аяк-куллары сынган, баш мие селкенгән, баш миенә кан сауган җәяүлене дәваханәгә китергәннәр.

Ивановское-Мәскәү-Уфа юлының 3нче чакрымында «Рено-Логан» автомобилен йөртүче 42 яшьлек ир, юл йөрү кагыйдәсен бозуы нәтиҗәсендә, машинасын юл кырыена төшереп, 61 яшьлек хатын-кызны бәрдергән.

Акъегет-Норлат юлында «Лада-Калина» автомашинасын йөртүче 65 яшьлек ир машинасын юл кырыена төшереп, металл отбойникка бәрдереп, аударган. Нәтиҗәдә, күкрәге бәрелгән йөртүчене һәм аягы сынган 51 яшьлек пассажирны госпитализацияләгәннәр.