Зур Ключи авылында Казанның 7нче номерлы шәһәр клиник хастаханәсенең мобиль комплексы эшли башлады

Зур Ключида башкала табиблары 21 августтан 25 августка кадәр һәм 28 августтан 1 сентябрьгә кадәр кабул итәчәк. Комплекс Больничная урамы, 4 адресы буенча урнашкан (амбулатория янында).

Участок терапевтында кардиолог, невролог, офтальмолог, уролог, травматолог, ревматолог, кан тамырлары хирургы һәм гинекологка язылырга мөмкин. Шулай ук комплекс эше кысаларында диспансерлаштыру үтәргә мөмкин.

Мобиль пунктның эш сәгатьләре 8.00 дән 13.00 гә кадәр. Аннары күчмә поликлиника Васильево бистәсенә юл тотачак.