Халыкара велосипед көне уңаеннан Акъегет авылында велоярыш оештырдылар

Велосипедта йөрү йөрәк һәм кан тамырларын ныгыта, организмны чыныктыра, физик активлыкны арттыра.

Шушы көн уңаеннан Акъегет авылында балалар өчен мини велоярыш уздырдылар.

– Балалар ярышта зур теләк белән катнашты. Һәр катнашучыга кечкенә генә бүләкләр өләштек, – дип сөйли Акъегет мәдәният йорты сәнгать җитәкчесе Рәшидә Борһанова.

Шулай ук, биредә балаларга велосипедта йөрү кагыйдәләрен дә искә төшерделәр:

• велосипедта йөргәндә каска һәм саклану чараларын кулланырга,
• юл хәрәкәте кагыйдәләрен бозмаска,
• яктырткычлар һәм көзгеләр кулланырга

кирәклеге аңлатылды.

Бәйрәм белән сезне, велосипедта йөрергә яратучылар!