Укытучы һәм остаз елында Президент грантлары Фонды ярдәме белән безнең «Әбием мәктәбе” ачылды

-Бүгенге көндә остазлар ролендә тәҗрибәле Норлат әбиләре – Саҗидә Шәйдуллина һәм Диләрә Әфзалетдинова. Алар балаларны төрле зирәклекләргә өйрәтә, "Тылсымлы йомгак" классында балалар ыргак белән бәйләү күнекмәләренә ия була. Планда мунчала бәйләү иде, әмма ыргакны тота да белмәгән килеш, тәҗрибә булмагач, ничек бәйлисең? Шуңа күрә, әлегә ыргак тотарга, күзләр җыярга, җепне һәм бармакларны дөрес тотарга өйрәнделәр. Дәресләрнең нәтиҗәсе барыбызны да сөендерде һәм өметләндерде - барлык кызларның да беренче күнекмәләре барлыкка килде - башы бар, дәвамы булачак! – дип уртаклаша Норлатның «Яшь йөрәкләр» иҗтимагый төркеме җитәкчесе Ләлә Хаҗипова.