«Татар авылы»нда экзотик тавис кошларын күрергә мөмкин
«Татар авылы» ачык һавадагы татар этнографик музеенда искиткеч матур тавис кошлары яши: 3 гади һинд тавислары һәм 1 ак төстәге экзотик тавис.
Элеккеге заманда бай татар сәүдәгәрләре бакчаларында матур тавис кошлары тоткан.
Былтыр «Татар авылы»на ТР Биектау районыннан ак тавис кайтарылган. Ә менә һинд тавислары музей территориясендә кечкенәдән үскән. Биредә эшләүчеләр тавис йомыркалары сатып ала һәм аларны күркә астына куя. Тавис кошлары бөтен җирдә үзләренең "әниләре" артыннан ияреп йөри.
Матур каурыйлар ата затларда гына бар икән. Елына бер тапкыр алар аны ташлый һәм акрынлап яңа каурыйлар үсә. Ә менә тавис кошының ана заты ерткычлардан качу өчен күзгә ташланмый торган төсләрдә була, чөнки нәкъ менә алар үзләренең йомыркаларын һәм балаларын саклый, ә якты каурыйлар белән моны эшләү җиңел түгел.
«Татар авылы»
Следите за самым важным и интересным в Telegram-каналеТатмедиа
Нет комментариев