Шушы көннәрдә Норлат волонтерлары хәрбиләрдән махсус заказны үтәде.

- 9 метр озынлыктагы һәм 5 метр киңлектәге 6 зур маскировка челтәре, 6х4 метр зурлыктагы 2 маскировка ясадык. 10 тактик носилка, 5 плащ, 10 эчке кием тектек. Волонтер-ветераннарга ярдәмгә "Нур" кызлар волейбол командасы килде. Тату, тырыш эш нәтиҗәләре сөендерерлек. Барыгызга да чын күңелдән рәхмәт белдерәм. Солдат аналары һәм хатыннары Советы рәисе Әлфия Зыятдинова аерым рәхмәткә лаек. Ул иртә таңнан Казанга эш өчен кирәкле материаллар алырга китте һәм аларны 13.00 сәгатькә кадәр алып кайтырга да өлгерде. "Халык фронты"ның шундый искиткеч волонтерлары белән горурланабыз, - дип сөйли Роза Ягудина.