Олы Яке мәдәният йортында «Авылымның сәнгать учагы» дигән исем астында яшь рәссам Зәринә Гайнуллинаның иҗат күргәзмәсе оештырылды.
-Зәринә биш яшеннән сәхнәдә җырлап, биеп үскән кызыбыз. Өстәвенә бик талантлы да, төрле буяулар кулланып рәсем ясарга ярата, - дип уртаклаша Олы Яке мәдәният йортының сәнгать җитәкчесе Лилия Әхмәтшакирова.
“Иҗат эшләре матур килеп чыксын өчен, аны оста итеп ясау гына аз, иң мөһиме йөрәк җылысын салу да кирәк, икенче төрле әйтсәк, бу эшне яратып башкару мөһим”, - диеп фикерләре белән уртаклаша Зәринә.
Күргәзмәгә килүчеләр иҗат җимешләрен бик кызыксынып карады. Яшь, талантлы кызыбызга алга таба да иҗади уңышлар теләп калабыз.
Нет комментариев