Олы ачасырлылар да читтә калмады

Һәр авыл мөмкинлегеннән чыгып булышлык күрсәтте һәм бу изге эшне әле дә дәвам итә: матди ярдәм җыелды, маскировка сеткалары үрелде, медикаментлар, җылы киемнәр тапшырылды. Һәм окоп шәмнәрен ясарга да бик теләп өйрәнделәр. Олы ачасырлылар да читтә калмады.

Окоп шәмнәрен ясау өчен беренче эш итеп калай банкалар җыелды. Аннан битараф булмаган авыл халкы ярдәме белән акча җыеп, парафинга заказ бирелде. Инде фотолардан күргәнегезчә, мәктәптә окоп шәмнәре ясау буенча өмәләр гөрли башлады. Шуңа күрә, тимер банкаларны һич кенә дә ташлый күрмәгез, мәктәптә аларны бик теләп кабул итәчәкләр.
 

Афәрин, изге эшләрегез үзегезгә меңе белән әйләнеп кайтсын.