Норлатта хуҗасыз бина янган

Ачыкланганча, янгын ташландык гаражлар блогында булган. Бинаның түбәсе янган. Норлат ут көрәшчеләре килгәнче үк җирле халык үз көчләре белән утны сулы чиләкләр ярдәмендә сүндерә башлый. Нәтиҗәдә, янгынны бергәләшеп җиңәләр.

Янгынның гомуми мәйданы 50 кв. метр тәшкил итә, зыян күрүчеләр юк.

Янгынның беренчел сәбәбе - билгесез кешеләрнең ут белән саксыз эш итүе.

Җилле коры һава шартларында гадәттән тыш хәлләр министрлыгы хезмәткәрләре халыкны бик игътибарлы һәм сак булырга чакыра.

 Теләсә нинди тәмәке төпчеге, очкын зур янгынга китерергә мөмкин!