Норлат хастаханәсе турында сөйлисем килә әле, кызлар

Халыкның сәла­мәтлеген кайгыртып кына торалар, Норлат хастаханәсендә диспансеризация узар өчен социаль яклау машинасы хәтта авылга кадәр килеп ала. Ярар, монысы өчен без рәхмәтле. 

Тик 40 градус салкын көннәрдә, телевизордан да аномаль суыклар килде дип сөйләп торганда, бу эшне оештырырга кирәк идеме икән?! Гомумән, күпләр авыр­ган вакытта, эпидемия чорында дәваханә юлларында йөрмәскә, өйдә генә утырыр­га, сакланырга кушалар. Ә монда киресенчә, яхшы кеше этен дә өйдән чыгармаганда, без – өлкәннәр диспансеризация узып йөрибез.

 Әле акъегетләр ике тапкыр килде, беренче көнне кан биреп өлгермәгәннәр икән. Бармыйм дип каршы килсәң, фельдшерларыбыз яратмый. Аларны да үпкәләтәсебез килми. Мондый кирәкле чараны көз һәм язын оештырсалар яхшырак була торгандыр.