Норлат хәйриячесе Изге Болгарга сәфәр оештырды

Әлеге сәфәргә барлыгы 32 кеше барды.

Болгар дәүләте тарихын белү, бу матур урыннарны, тарихи һәйкәлләрне үз күзләрең белән күрү һәркемгә дә кызыклы булды. Туристлар татар халкы тарихы турында якты тәэсирләр, онытылмаслык яңа белемнәр алды. Болгар музей-тыюлыгы буенча өч сәгатьлек экскурсиядән соң норлатлылар "Ләйсән" кафесында тәмле кайнар аш ашады. Уңайлы автобус, профессионал экскурсовод, төшке аш, машина йөртүче, сувенирлар, ихтирам, яхшылык, рәхмәт рухы – барсы да искиткеч иде.

Сәфәрдә катнашучылар исеменнән хөрмәтле Фәрит Ярхамовичка шундый юмарт бүләк өчен, ә иң мөһиме – аның волонтерлар хезмәте, кешеләргә ихтирамлылыгы, игелек кылуга әзер булуы өчен рәхмәт белдерәбез!

Норлат авылы активисты Роза Ягудина