Норлат авылының тырыш ханымнары махсус хәрби операциягә булышуны дәвам итә

-Әле шушы көннәрдә генә дүрт маскировка сеткасы, 50 окоп шәме ясадык. Фронттагылар өчен бик тә кирәкле әйберләр бу. Көн дә эшлибез, хәлебездән килгәнчә ярдәм итәбез. Битараф булмаган авылдашларыбызга чиксез рәхмәтлебез, - дип сөйли Роза Ягудина.

🕌Шулай ук бүген авыл халкын 19.30 сәгатьтә "Мөслимә" мәчетенә җәмәгать белән дога кылырга чакыралар.

-Илебезгә авыр чакта без дә битараф булмыйк! Яшь авылдашларыбыз, туганнарыбыз бүгенге көндә сугыш кырында, салкын окопларда илебезнең бәхетле киләчәге өчен көрәшәләр. Шуны онытмыйк! Догаларыбыз белән булса да аларга булышыйк! Хәлебездән килгән кадәр ярдәм итик! Хәйрия фондына үзегезнең өлешегезне кертә аласыз, - дип язалар авылның ВК төркемендә.