Кышын безнең канатлы дусларыбызга бик кыен.

- Бүген шуны исәпкә алып, "Кошларны кыш көне ашатыйк" дигән акция астында, "Оста куллар" клуб берләшмәсенә йөрүче балалар белән мәдәният йорты тирәсендәге агачларга җимлекләр элдек, җимнәр салдык.
Җимлекләр яныннан ерак та китеп өлгермәдек, беренче дусларыбыз очып та килә башлады. Кошларга ярдәм итә алуыбыз өчен шундый сөендек, шундый шатландык. Кошларыбыз да канәгать калгандыр дип уйлыйбыз, -дип сөйли  Мулла Иле мәдәният йорты җитәкчесе Рәзинә Сәйфетдинова.