Күгәй авылы китапханәсендә «Иң яхшысын укыйбыз!» акциясе узды

9 октябрь – Бөтенроссия уку көне иде.

Күгәй авылы китапханәсендә «Иң яхшысын укыйбыз!» акциясен уздырдылар. Әлеге чарада катнашучылар үзләре яратып укыган әсәрдән кечкенә хикәяләр яки текстның өзекләрен укыды, әдәби әсәр тудырган хис-кичерешләре белән уртаклашты, башкаларның сәнгатьле укуын тыңлады. Бик мавыктыргыч һәм кызыклы килеп чыккан акциядә һәр теләгән кеше хәтта рольләргә бүленеп, сәнгатьле уку осталыгында ярышты.

Акциядә катнашучыларның барысы да әлеге чарадан ләззәт алды.