Кирәк икән сукага да җигелә

Шөкер, быел да бакчаларыбызны буш итмәдек, яшел чәләрен дә, бәрәңгене дә утыртт ык. Салкынчада бик гөрләп үсәселәре килмәсә дә, әкрен генә кояшка таба үреләләр. Ә чүп үләненә бернәрсә дә комачау түгел! Рәхәтләнеп үсә! Әле бәрәңге борын гына төрткән, ә чүп өлгер! Аңа каршы кем ничек көрәшә инде, һәркемнең үз ысулы. Кемдер кәтмән белән бәреп чыга, кемдер тырмалый, ә кемдер, әнә безнең социаль челтәрләребездә урнаштырылган видеоязмадагы кебек, ат себеркесенә җигелеп тарта. Әллә кайда төшерелмәгән, үзебезнең Уразлы ягында гына. Теләсәгез, биредәге QR-кодка телефоннарыгызны көйләп, кереп карый аласыз. Чүп утау кебек «вак» эшләрдә ирләр читтәрәк тора инде ул, шуңа күрә анда зур себерке өстерәүче хатын-кызны күреп шаккатмагыз. Андый хатын-кызныкы саналган «җиңел» эштә ир-ат кысылып йөрмәс тагын!
Ни генә дисәк тә, бакчада барыбер күбрәк хатын-кыз кайнаша инде. Барлык уңыш, сый-нигъмәт нәфис затлар кулы белән булдырыла. Бакчаларыбыз гөрләп үссен, чүпләр баш калкытмасын, кул-аяк-билләребез авыртмасын!