Кече Шырданда традицион милли бәйрәмебез узды

Оештыручылар ел да бәйрәмне матур итеп оештырырга тырыша. Авыл халкы да бәйрәмгә бердәм булып бүләкләтә дә, акчалата да ярдәм итә. Шуңа күрә дә бәйрәм халыкчан уза, мөгаен.
Быел да авылда узган "Чишмә бәйрәме"ндә Зеленодольск муниципаль районы башлыгы Афанасьев М.П. катнашты. Ул Мәйданда җыелган халыкны сәламләде, авылда барган уңай үзгәрешне, үсешне билгеләде һәм авыл активистларына үзенең Рәхмәт хатларын тапшырды. Минуллина Саимә Сөләйман кызы, Минһаҗева Гүзәл Юныс кызы, Шакиров Рамил Фрон улы район башлыгы кулыннан әлеге дәрәҗәле бүләкләрне алды.
Бәйрәм уеннар, бәйгеләр, татар эстрадасы артистлары чыгышы белән дәвам итте.