Яшел Үзәннең Норлат авылында яшәүче игелекле якташларыбыз МХО сугышчыларына генераторлар сатып алган

Алар яңгырлы, пычрак өч көзне, җилле, салкын кышны, юеш язны һәм өч кызу җәйне сугыш кырларында үткәрде. Күбесе инде беркайчан да туган якларына әйләнеп кайтмаячак.

Хәзер дә, һәр йорт, урам, азат җирнең һәр метры өчен канкойгыч сугыш барганда, без, сугыш куркынычын күрмичә, рәхәт, җылы һәм тук тормышта яшәүчеләр, данлыклы сакчыларыбызга каршы торырга, җиңүгә ирешкәнче исән калырга ярдәм итәргә тиешбез. Иң мөһиме: алар турында кайгыртканны, аларны көткәнне белеп торсыннар. Ә норлат волонтерлары сугышчыларыбызга ярдәм итү өчен үз хезмәтләрен, көчләрен һәм яхшылыкларын кызганмаячак.

Игелекле якташларыбызга ярдәмнәре, аңлаулары, ышанычлары өчен зур рәхмәт! Алар бер тәүлек эчендә сугышчыларның ашыгыч үтенече буенча генераторлар сатып алуга 119 300 сум акча җыйды. 2 генераторга заказ бирдек, 4 март көнне алар МХО зонасына җибәреләчәк.

Роза Ягудина