Яшел Үзән районы Норлат авылы волонтерлары үз частена «УАЗ» машинасы, посылкалар һәм кирәкле товарлар җибәрде

Ерак түгел, янәшә генә хәрби бурычларын үтиләр кебек, әмма күрешергә, күңелгә ятышлы итеп сөйләшергә мөмкинлек һич чыкмады.

- Ниһаять, бәхетле очрак туры килде – Норлат волонтерлары үз частена «УАЗ» машинасын, посылкалар, кирәкле товарлар җибәрде. Чи, соры блиндажда шундый шатлыклы очрашу, туганнарыннан һәм дусларыннан күчтәнәчләр белән бер чынаяк кайнар чәй! Солдатка шатлык өчен күп кирәкме?! Ә монда күптән көтелгән дустың, якташың белән очрашу!

Кадерле егетләребез, кояшлы егетләребез, Рөстәм Фәридович һәм Айрат Азатович!
Бу соңгы очрашу булмасын! Өйгә исән-сау кайтыгыз, Норлат Сабан туенда очрашырга язсын. Сугышның авыр көннәре, яраланулар, госпитальләр ерак үткәндә калсын, күңелләрегездә тынычлык һәм горурлык хисләре булсын! – дип җиткерде Роза Ягудина.