Авыл халкы чаң суга

Газетагызда, фәлән-фәлән көннәрдә кырларга ашлама сиптерелә, дип язып чыккан идегез. Имеш, умарта асраучылар сак булсын. Умартачылар гына түгел, безнең кебек гади кешеләргә дә куркынычы бар икән ул самолетның, чөнки авылыбыз өстеннән үк оча, гәрчә тирә-якта буш урыннар җитәрлек.

Шулай итеп, өстемә ашлама коеп киттеләр.

Аптыраганнан сезгә шалтыратуым иде, кызлар. Соң, шулай халыкны мыскыл итәргә ярамый торгандыр ич инде. Бер мин генә зарланмыйм. Инде ничә көн Бузай өстеннән оча.