Акъегет мәктәбендә, Бөтендөнья СПИДка каршы көрәш көне уңаеннан, төрле чаралар узды

- Мәктәбебезгә авылыбызның фельдшеры Нотфуллина Рәмзия Рафил кызы чакырулы иде, ул укучыларга ВИЧ һәм СПИД, аны дәвалау ысуллары, профилактика чаралары турында сөйләде. Укучылар кызыксынып, игътибар белән тыңладылар. Шулай ук 8-9нчы сыйныф укучылары белән Акъегет мәдәният йортының сәнгать җитәкчесе Рәшидә Борһанова һәм тәрбия эшләре буенча директор киңәшчесе Фәүзия Альмиева әңгәмә үткәрделәр. Укучылар исә, бердәм рәвештә «СПИДка – юк! Тормышка – әйе!» девизына кушылып, аның символы булган кызыл тасмаларны беркеттеләр, – дип яза Акъегет мәдәният йорты җитәкчече Фирдүс Нотфуллин.