#әйтәмәле

Авылыбыздан да ике егетне мобилизацияләделәр. Халыкның ниндилеге авыр вакытта беленә. Тиз арада (20 февральгә) 130 мең сумнан артык акча җыелды да инде.

Телефоннан Ватанны саклаучылар көне уңаеннан мобилизацияләнүчеләргә ярдәм итик әле дигән белдерү дә ясалды, шул мизгелдә авыл халкы акча да күчерә башлады. Без монда тынычлыкта, җылы өйләребездә яшибез. Ә анда егетләребез яу кырында зур сынау уза, ниләр генә күрмиләрдер. Шулай бергә җыйналсак кына җиңү булыр. Бу эшләрне оештырып йөрүчеләребез – клуб хезмәткәрләренә, китапханәчебезгә активлыклары өчен зур рәхмәт әйтәсе килә. Нинди генә эшкә алынсалар да, җиренә җиткереп башкаралар.