Татарстанның халык артисты Зәйнәп Фәрхетдинова шәһәрнең мәдәни үсеш үзәгендә булды

Зеленодольск мэры Михаил Афанасьев белән бинаны карадылар, шулай ук балалар өчен вокаль студия булдыру мөмкинлеге турында фикер алыштылар.

- Ул татар эстрадасының зур хәрефтән язарлык җырчыларының берсе. Аның белеме, тәҗрибәсе, иҗади юлы республикада иң яхшы балалар вокаль мәктәпләренең берсен булдырырга мөмкинлек бирәчәк. Без әлегә юл башында гына, планлаштырабыз. Зәйнәп Фазлытдиновнага вакыт табып, безгә килгәне өчен рәхмәт, яңа проект белән кызыксынды. Аеруча бу проектны Педагог һәм остаз елында эшләтеп җибәрүебез символик мәгънәгә ия, - дип билгеләп үтте шәһәр башлыгы.

Зәйнәп Фәрхетдинованың Татарстанда балалар вокаль сәнгате үсешенә ярдәм итүе билгеле.

Кызганыч, бүгенге көндә Яшел Үзәндә милли татар юнәлеше булган вокал мәктәбе юк. Моннан тыш, хәзерге мәдәният учреждениеләре, аның фикеренчә, иң яхшы мотивация коралларының берсе булып тора.

- Миңа үзәк бик ошады, монда барысы да балалар өчен эшләнгән, уңайлы һәм артык бернәрсә дә юк. Яшел Үзәндәге кебек мәдәни үсеш үзәкләре бик күп түгел. Балаларның үсүе мөһим, чөнки аларның яңалыкка тартылуы билгеле, балаларга ошарлык итеп эшләргә кирәк, - дип уртаклашты җырчы. - Гомумән алганда, Яшел Үзән һәрвакыт матур, яшел шәһәр, үзенә тартып тора һәм талантлы кешеләре белән дан тота. Концертлар белән бирегә килгәч, заллар һәрвакыт тулы, ә тамашачылар белән уртак телне шунда ук табабыз, - дип мактады халык артисты.