Сәбәбе — коры үләнгә ут төртү.
Кичә Чистай районында булган янгын социаль челтәрләрдә яшен тизлегендә таралды.
️️️ИГЪТИБАР!!!
Яз көннәрендә коры үләннәрне яндыру — зур куркыныч тудыра. Ут тиз генә контрольдән чыгып, урманнарны, кырларны, йортларны юкка чыгара, кешеләрнең гомеренә зыян китерә. Зинһар, башкаларның хаталарын кабатламагыз!
️️️Әлеге фаҗигане булдырмый калу өчен нәрсә эшләргә кирәк?
- Коры үләннәрне көрәк белән җыеп күмүне өстен куегыз.
- Янгын күрсәгез кичекмәстән 112, 101 номерына яки гадәттән тыш хәлләр хезмәтенә хәбәр итегез.
- Якыннарыгызга, бигрәк тә балаларга, янгын куркынычы турында искәртегез.
Үзегезнең, гомумән бар тереклекнең тормышын куркыныч астына куймагыз! Табигать белән кешеләр — дошман түгел. Аны сакларга тырышыйк.
Нет комментариев