Биектау районыннан 12 яшьлек укучы дустының күз алдында вафат була
Әлеге вакыйга Бирюли авыл җирлегендә була һәм бу фаҗига видеокүзәтү камераларына да эләгә.
Хокук саклау органнары хәбәр иткәнчә, яшүсмерләр мотоциклда йөргән. Мотоцикл йөртүче малай кинәт кенә пассажирының аңа таба егылуын сизә. Малай туктап, дустының бик нык сулыш алуын күрә. 19:10 сәгатьтә тиешле хезмәтләргә урманда баланың яшәү билгеләре булмаган гәүдәсе табылуы турында хәбәр итәләр.
Үлгән бала 6нчы сыйныф укучысы Александр Волков була, ул кадет мәктәбендә укый, физик уңышлары һәм яхшы билгеләре белән аерылып тора. Үз классы командиры була, кыр җыеннарында һәм ярышларында актив катнаша.
Туганнары малайның мотоциклдан егылып төшкәндә исән булуын хәбәр итә. Бу вакыйга факты буенча җинаять эше кузгатылган. Тикшерү комитеты вакыйганың нечкәлекләрен ачыклый. Мәктәп укучысының үлеме сәбәбе суд-медицина экспертлары тарафыннан тикшерелгәннән соң билгеле булачак.
Следите за самым важным и интересным в Telegram-каналеТатмедиа
Нет комментариев