Бәхетле Свияжск – балачагым минем

18 февральдә Татарстан Дәүләт Сәнгать музеенда сәнгать мәктәбендә шөгыльләнүче балаларның "Бәхетле Свияжск, балачагым минем" дип аталган рәсем күргәзмәсе ачылды.

Күргәзмәгә куелган авторларның барысы да җирле рухани хатыны, тарих һәм рәсем укытучысы Людмила Коробцова укучылары. Монда 90нчы еллардан алып бүгенге көнгә кадәр иҗат ителгән 80 эш куелган. Экспонатлар арасында моннан 20 ел элек иҗат ителгәннәре дә, бүген эшләнгәннәре дә бар. Шуларның 60тан артыгы Зөя тарихи-архитектура музее коллекциясендә.

Күргәзмә 17 мартка кадәр барачак.