Бик тиз әзерләнә торган тәмле десерт рецепты

Редакциябезнең дусты, Бишнә авылы кызы Айгөл Гыйләҗиева бик тиз әзерләнә торган тәмле десерт рецепты белән уртаклаша. Балалар да, өлкәннәр дә яратып ашаячак!

Кирәк булачак:

• каткан печенье яки прәннек;
• 1 зур савыт эремчекле сыр (творожный сыр);
• 3 аш кашыгы шикәр пудрасы;
• 3 аш кашыгы 15%лы каймак;
• яки куертылган сөт (сгущенка).

Кремның ике варианты бар:

• эремчекле сыр + каймак + шикәр пудрасы;
•  каймак + куертылган сөт.

Десерт савытына вакланган печенье салып, өстенә крем җәегез. Шулай итеп катламлап савыт тулганчы дәвам итегез. Өстен печенье валчыгы яки җиләк белән бизәп, 2 сәгатькә (ә яхшысы – төнгә) суыткычка куегыз.

Тәмле, җиңел һәм бик тиз әзерләнә торган десерт! Сез дә әзерләп карагыз!