#кирәклекиңәшләр
КҮЗЛЕК ПАРЛАНМАСЫН
Суыкта урамнан кергәч, күзлек парлана, берни күрми башлыйсың. Бина эчендә медицина битлегеннән йөргәндә күзлекнең парлануы аеруча нык сизелә.
Күзлекне һәр кич сабынлы суда юыгыз һәм киптергәч, салфетка белән ялтыратып сөртегез. Сабын үзеннән соң юка элпә калдыра, ул линзаны парланудан саклый.
Глицерин куллана аласыз. Фланель тукымага берничә тамчы глицерин тамызырга һәм күзлек пыяласына ышкырга. Кипкәннән соң махсус салфетка белән ялтыратырга кирәк.
Күзлек парланмасын өчен, битлек борын һәм биткә сыланып торырга тиеш. Аның бауларын азрак кыскартырга, төенләп куярга кирәк.
Следите за самым важным и интересным в Telegram-каналеТатмедиа
Нет комментариев